background

Çanaq (pelvik) Tıxanıqlığı Sindromu

Çanaq Tıxanıqlığı Sindromu nədir?

Pelvik tıxanıqlıq sindromu (PCS) kimi tanınan bir vəziyyətdə çanaqdakı varikoz damarları, xüsusən də yumurtalıqların ətrafındakı damarlar anormal şəkildə genişlənirlər. Damarlar normal olaraq oksigensiz qanı ürəyə qaytarır, lakin qan axını məhdudlaşdıqda qan yığılır və damarları genişləndirir. Qan axınının pozulması problemli və ya əskik venoz qapaqlardan, şişlərdən, digər qan damarlarının sıxılmasından və ya hər ikisi səbəbindən baş verə bilər. Təkbaşına hamiləlik də PCS-ə səbəb ola bilər. Menopauzal qadınlarda daha az estrogen olduğu və estrogen damarları genişləndirdiyi üçün bu müddət ərzində PCS baş vermir. Ayaqlarda inkişaf edən digər varikoz damarları kimi burada PCS ilə əlaqəli şişkin damarlar da aşkarlana bilər.

Heç bir məlum səbəb olmadan xroniki çanaq narahatlığı yaşayan qadınların 30%-ə qədərində PCS var. Bəzi qadınlarda çanaq damarları şişsə belə, ən azı altı ay ərzində davamlı çanaq ağrısı olmadıqca PCS diaqnozu qoyula bilməz.

Risk faktorları

  • Hamiləlik, xüsusən də əkiz hamiləlikdən sonra
  • Artan estrogen

Simptomlar

  • Menstrual ağrıdan fərqli olaraq, dövrü olmayan xroniki çanaq ağrısı
  • Narahatedici ağrı və ya ağırlıq hissi, lakin bəzən ağrı kəskin də ola bilər
  • Dik vəziyyətdə olanda və ya gün sonuna doğru ağrı daha da güclənir
  • Menstruasiya zamanı ağrı daha da güclənir
  • Cinsi əlaqə zamanı və ya sonra güclü ağrı olur
  • Çanaqdakı varikoz damarları daha çox sol tərəfdə olur
    • Varikoz damarları adətən yumurtalıqların ətrafında olduğundan aydın görünməz
    • Varikoz damarları nadir hallarda omba, bud və vulvada görünə bilər

Diaqnoz

Həkim çanaq nahiyəsini fiziki olaraq müayinə edcək və həmçinin varikoz damarlarını yoxlamaq üçün aşağıdakı üsullardan istifadə edəcək:

  • Ultrasəs
  • MRT
  • KT
  • Venoqrafiya (damarları görmək üçün kontrast maddə ilə rentgenoqrafiya)

Müalicələr

Sİmptomları olan xəstələrdə ambulator şəraitdə embolizasiya əməliyyat icra oluna bilər. Rentgen nəzarəti ilə nazik bir kateter bud venasına daxil edilir və genişlənmiş çanaq damarına çatılır. Şişmiş çanaq damarlarına kiçik bobinlər yerləşdirildikdən sonra damarı bağlamaq üçün sklerozant dərman tətbiq edilir. Xəstələr dərhal gündəlik fəaliyyətlərinə qaldıqları yerdən davam edə bilərlər.